అడ్వెంటిస్టులు సంతోషంగా మరియు కృతజ్ఞత గల వ్యక్తులా?

కృతజ్ఞతతో కూడిన హృదయంతో
కృతజ్ఞతలు తెలియజేయండి
పరిశుద్ధ దేవునికి కృతజ్ఞతలు చెప్పండి
ఆయన తన అద్వితీయ కుమారుడైన
యేసు క్రీస్తును మనకు కానుకగా
ఇచ్చినందున కృతజ్ఞతలు చెప్పండి
– స్మిత్ యూస్టేస్ హెన్రీ జూనియర్ సాహిత్యం.

నేను పెరుగుతున్నప్పుడు, ఈ కోరస్ ప్రతి వారం నా చర్చిలో ఆరాధనకు పిలుపుగా పాడబడింది. పదాలు సరళంగా ఉన్నప్పటికీ, అవి యేసు యొక్క బహుమతి కారణంగా క్రైస్తవులు అనుభవించే కృతజ్ఞత మరియు ఆనందాన్ని ప్రతిబింబిస్తాయి. అయితే, నేను ఆశ్చర్యపోయాను, అడ్వెంటిస్టులు నిజంగా సంతోషంగాను, కృతజ్ఞతతో నిండిన హృదయాలు కలిగిన వ్యక్తులా? గ్లోబల్ చర్చ్ మెంబర్ సర్వే 2017–18 (2017–18 GCMS) చేసిన బృందం సభ్యుల భావోద్వేగ స్థితిని (అంటే ఆనందం) మాత్రమే కాకుండా వారి కృతజ్ఞతా స్థాయిలను కూడా అంచనా వేసే బహుళ ప్రశ్నలను వేశారు.

ఆనందం మరియు శ్రేయస్సు (క్షేమము గా ఉండటం)

2017–18 GCMSలో పాల్గొనేవారిని ఈ ప్రశ్నకు ప్రతిస్పందించవలసిందిగా అడిగారు: “ఈ క్రింది విషయాలను కలిపి, మీరు మీ అభిప్రాయాలను చెప్పగలరా: చాలా సంతోషంగా ఉంది, కొంత వరకు సంతోషంగా ఉంది, ఎక్కువ సంతోషంగా లేదు, అస్సలు సంతోషంగా లేదు.” చాలా మంది (88%) ప్రతివాదులు తాము ఏదో ఒక స్థాయిలో సంతోషంగా ఉన్నారని నివేదించారు, వారిలో 44% మంది తాము చాలా సంతోషంగా ఉన్నామని తెలిపారు. చాలా తక్కువ శాతం మంది మాత్రమే సంతోషంగా లేరని నివేదించారు. ఈ ప్రతివాదులకు, “ప్రభువు ఆనందమే [వారి] బలం” (నెహె. 8:10, KJV) అని స్పష్టంగా తెలుస్తుంది.

Tప్రతివాదులు తమ జీవితాలను అధ్వాన్నంగా ఉన్న పరిస్థితి (0) నుండి ఉత్తమ శ్రేణి (10) వరకు సూచించే నిచ్చెనను ఊహించుకోమని అడిగారు. ఆ నిచ్చెనపై వారు ఎక్కడ నిలబడ్డారో వారి శ్రేణిని ఇవ్వమని అడిగారు. వీక్షణ లో పాల్గొన్నవారి లో నాల్గవ వంతు (76%) మంది 6 లేదా అంతకంటే ఎక్కువ మందిని ఎంచుకున్నారు, వారి శ్రేయస్సు సగటు కంటే ఎక్కువగా ఉందని సూచిస్తుంది. ఇందులో దాదాపు నాల్గవ వంతు మంది (23%) వారి జీవితాలను 9 లేదా 10గా శ్రేణించారు-అంటే వారు తమ ఉత్తమ జీవితాన్ని గడుపుతున్నారని వారు భావించారు. కేవలం 1% మంది మాత్రమే నిచ్చెన దిగువన ఉన్నారని చెప్పారు, ఇది వారి జీవితంలో అత్యంత అధ్వాన్నమైన శ్రేణి (పరిస్థితి). మరో 10% మంది తమ జీవిత పరిస్థితిని 1 మరియు 5 మధ్య శ్రేణించారు.

మొత్తంమీద, ఈ రెండు ప్రశ్నలు అడ్వెంటిస్టులలో ఎక్కువమంది అధిక స్థాయిలో ఆనందం మరియు మొత్తం శ్రేయస్సును నివేదించినట్లు వెల్లడించాయి.

కోపం మరియు చేదు (బాధ)

సామెతలు 17:22 KJVలో, “ఉల్లాసమైన హృదయము ఔషధమువలె మేలు చేయును, విరిగిన ఆత్మ ఎముకలను ఎండి పోవునట్లు చేయును.” కోపం మరియు చేదు వంటి ప్రతికూల భావాలను మనం పట్టించు కో నప్పుడు, మనం సంతోషకరమైన ఉనికిని అనుభవించడమే కాదు, మన మొత్తం శ్రేయస్సు మెరుగుపడుతుంది. గ్లోబల్ చర్చ్ మెంబర్ సర్వే 2017–18 (2017–18 (2017–18 GCMS) సర్వే లో ప్రతివాదులను “అటువంటి ప్రతికూల భావోద్వేగాలను నివారించడానికి మీరు ప్రయత్నిస్తారా?” అని అడిగినప్పుడు, సగం కంటే ఎక్కువ మంది (51%) వారు అలా చేయడానికి చాలా కష్టపడుతున్నారని పంచుకున్నారు; మరో 21% మంది ఇది కొంతవరకు నిజమని చెప్పారు. ఆసక్తికరంగా, 14% మంది ప్రతివాదులు ఈ సమస్యపై తటస్థంగా ఉన్నారు మరియు దాదాపు 6% మంది వారు కోపం మరియు చేదును నివారించడానికి చాలా అరుదుగా ప్రయత్నిస్తారని లేదా అస్సలు ప్రయత్నించలేదని పంచుకున్నారు.

కృతజ్ఞతలు తెలియజేయడం (అంటే, కృతజ్ఞతగా ఉండటం) మీకు సంతోషాన్ని కలిగిస్తుందని పరిశోధన అధ్యయనాలు చూపించాయి కాబట్టి, కృతజ్ఞతా భావాన్ని కలిగి ఉన్నవారు సంతోషంగా ఉంటారని భావిస్తారని లేదా మొత్తం శ్రేయస్సును మెరుగ్గా నివేదించారని అర్ధమే. 2017-18 గ్లోబల్ చర్చ్ మెంబర్ సర్వే (2017–18) ప్రతివాదులు “నేను చాలా తరచుగా కృతజ్ఞతా భావాన్ని కలిగి ఉంటాను” అనే ప్రకటనకు ప్రతిస్పందించవలసిందిగా కోరినప్పుడు, చాలా మంది (83%) ఇది తమకు ఒక స్థాయి లేదా మరొక స్థాయి వరకు నిజమని పంచుకున్నారు. ప్రతి పది మందిలో ఒకరు (12%) మాత్రమే తటస్థంగా ఉన్నారు మరియు కొద్ది శాతం మంది తమకు కృతజ్ఞతా భావాన్ని కలిగించలేదని వెల్లడించారు.

మొత్తంమీద, 88% అడ్వెంటిస్టులు తమను తాము సంతోషంగా ఉన్న వ్యక్తులుగా భావించారు, 76% మంది తమ శ్రేయస్సు 10-పాయింట్ స్థాయిలోను, మరి కొంత మంది వారి శ్రేయస్సు 6 నుండి 10 స్థాయి లో ఉన్నట్లు సూచించారు. దాదాపు 73% మంది తమ హృదయాలలో కోపం మరియు చేదును ఒక స్థాయికి లేదా మరొక స్థాయికి నివారించేందుకు ప్రయత్నించారు, మరియు ఇంకా ఎక్కువ మంది సభ్యులు (83%) వేర్వేరు భావాలు కలిగి ఉన్నప్పటికీ, వారి హృదయాలలో కృతజ్ఞతా భావాన్ని కలిగి ఉన్నారు. సంతోషంగా, దురదృష్టకరం, కోపంగా మరియు కృతజ్ఞత లేని వ్యక్తులు 1%-3% మంది ఉన్నారు. ఈ సంఖ్య చిన్నదైనప్పటికి, ఈ గుంపును చర్చిలో నిర్లక్ష్యం చేయకూడదు. ఈ వర్గాలకు చెందిన వ్యక్తులు వారి జీవితాల్లో సవాలుతో కూడిన కాలాలను ఎదుర్కొంటున్నారు మరియు తక్షణమే కరుణ మరియు సహాయం అవసరం కావచ్చు.

కానీ మీరు మీ స్వంత ఆనందం మరియు శ్రేయస్సు స్థాయిలను పరిగణనలోకి తీసుకున్నప్పుడు, మీ కృతజ్ఞత ఆ స్థాయిలలో ప్రతిభింబిస్తుందా? మీరు మీ కృతజ్ఞతను పెంచుకోవడానికి కొన్ని ఆచరణాత్మక మార్గాలు ఏమిటి? మీరు మీ హృదయాల నుండి కోపం, మరియు చేదును ఎలా వదిలించుకోవచ్చు? ఈ కారకాలు మీ జీవితంలో ఎలా ఉండవచ్చో ప్రార్థనాపూర్వకంగా పరిశీలించడానికి కొంత సమయం కేటాయించండి. . . మరియు “కృతజ్ఞతతో కూడిన హృదయాలతో దేవునికి, మరియు, ఒకరికొకరు కృతజ్ఞతలు తెలియజేయడం” మర్చిపోవద్దు.

మొత్తం నమూనాపై మరిన్ని పరిశోధన ఫలితాల కోసం, దయచేసి మెటా-విశ్లేషణ నివేదికను (Meta-Analysis report) చూడండి.

Created in collaboration withఇది ఇన్స్టిట్యూట్ ఆఫ్ చర్చి మినిస్ట్రీ (Institute of Church Ministry) సహకారంతో రూపొందించబడింది

08-10-2022న ASTR (చరిత్ర, గణాంకాలు, పరిశోధన అంశాలను భద్రపరుచు కార్యాలయం) ద్వారా ప్రచురించబడింది

[1] ఎమ్మాన్స్, R. A., & మెక్‌కల్లౌ, M. E. (2003). లెక్కింపు ఆశీర్వాదాలు మరియు భారాలు: రోజువారీ జీవితంలో కృతజ్ఞత మరియు ఆత్మాశ్రయ శ్రేయస్సు యొక్క ప్రయోగాత్మక పరిశోధన. పర్సనాలిటీ అండ్ సోషల్ సైకాలజీ జర్నల్, 84(2), 377–389. https://doi.org/10.1037/0022-3514.84.2.377

[2] సెలిగ్మాన్, M. E. P., స్టీన్, T. A., పార్క్, N., & పీటర్సన్, C. (2005). సానుకూల మనస్తత్వశాస్త్రం పురోగతి: జోక్యాల యొక్క అనుభావిక ధ్రువీకరణ. అమెరికన్ సైకాలజిస్ట్, 60(5): 410–421.

Image credit: Friends eating photo created by katemangostar – www.freepik.com