సంపూర్ణ ఆరోగ్య ప్రసంగాలు మరియు పొగాకు వాడకంపై ప్రపంచ వీక్షణ

ప్రపంచ పొగాకు వ్యతిరేక దినోత్సవాన్ని ప్రతి సంవత్సరం మే 31న జరుపుకుంటారు. ఈ ప్రత్యేక దినాన్ని ప్రపంచ ఆరోగ్య సంస్థ (WHO) నిర్వహిస్తుంది,

పొగాకు వాడకం వల్ల కలిగే ప్రమాదాలు, పొగాకు కంపెనీల వ్యాపార పద్ధతులు, పొగాకు మహమ్మారిపై పోరాడేందుకు ప్రపంచ ఆరోగ్య సంస్థ (WHO) ఏమి చేస్తోంది మరియు ప్రపంచవ్యాప్తంగా ఉన్న ప్రజల ఆరోగ్యం మరియు ఆరోగ్యకరమైన జీవనం మరియు భవిష్యత్తు తరాలను రక్షించడానికి తమ హక్కును పొందేందుకు ఏమి చేయగలరో ప్రజలకు తెలియజేస్తుంది..[1]

అడ్వెంటిస్ట్ హెల్త్ మెసేజ్ (అడ్వెంటిస్ట్ ఆరోగ్య సందేశం) ఆరోగ్యకరమైన జీవనం యొక్క ప్రాముఖ్యతను నొక్కి చెబుతుంది; ఫండమెంటల్ బిలీఫ్ (ప్రాథమిక నమ్మకం) 22 లో ఈ విధాంగా చెప్తోంది

. . . మన శరీరాలు పరిశుద్ధాత్మ దేవాలయాలు కాబట్టి, మనం వాటిని తెలివిగా చూసుకోవాలి. తగినంత వ్యాయామం మరియు విశ్రాంతితో పాటు, మనం సాధ్యమైనంత ఆరోగ్యకరమైన ఆహారాన్ని స్వీకరించాలి మరియు లేఖనాల్లో గుర్తించబడిన అపరిశుభ్రమైన ఆహారాలకు దూరంగా ఉండాలి. మద్య పానీయాలు, పొగాకు మరియు మాదకద్రవ్యాలు మరియు మాదకద్రవ్యాల బాధ్యతారహిత వినియోగం మన శరీరానికి హానికరం కాబట్టి, మనం వాటికి కూడా దూరంగా ఉండాలి. [2]

ఈ అంశం యొక్క ప్రాముఖ్యత కారణంగా, ఇది అడ్వెంటిస్ట్ రచనలలో మాత్రమే కాకుండా, స్థానిక చర్చి స్థాయిలో ఉపన్యాసాలు మరియు సెమినార్ల ద్వారా ఆదర్శంగా ప్రచురించాలి. . . కానీ అది ప్రచారం చేయబడుతొందా?

సంపూర్ణ జీవనంపై ఉపన్యాసాలు

2017–2018 గ్లోబల్ చర్చ్ సభ్యత్వ వీక్షణ బృందం (2017–18 GCMS) చర్చి సభ్యుల అనుభవాలను వారి చర్చిలో అంచనా వేసింది; నిర్దిష్ట అంశాలపై వారు ఎంత తరచుగా ప్రసంగాలను వింటారు అనేది పరిశీలించబడిన ఒక ప్రాంతం. వారి పాస్టర్ సంపూర్ణ ఆరోగ్యం గురించి ఎంత తరచుగా బోధిస్తున్నారని సభ్యులను అడిగినప్పుడు, మొత్తం ఐదుగురిలో ముగ్గురు (61%) ప్రతివాదులు ఈ అంశంపై ప్రసంగాలను తరచుగా లేదా చాలా తరచుగా వింటున్నారని నివేదించారు. నాల్గవ వంతు (24%) అరుదుగా ఇటువంటి ప్రసంగాలను వింటున్నట్లు ను, మరియు 6% మంది ఎప్పుడూ వినలేదన్నట్లు ను నివేదించారు.

విభజన ద్వారా డేటా (పరిమాణాలు) క్రాస్-టేబుల్ (అడ్డపట్టి) చేయబడినప్పుడు, కొన్ని ఆసక్తికరమైన పోకడలు ఉద్భవించాయి. ఉత్తర ఆసియా-పసిఫిక్ డివిజన్ (83%) మరియు పశ్చిమ-మధ్య ఆఫ్రికా డివిజన్ (78%) నుండి ప్రతివాదులు సంపూర్ణ జీవనంపై ప్రసంగాలు వినడానికి ఎక్కువగా (చాలా తరచుగా లేదా తరచుగా) ఉన్నారు. ఈ డివిజన్లలో ఈ అంశానికి ఎక్కువ ప్రాధాన్యత ఉన్నట్లు స్పష్టమవుతోంది

ట్రాన్స్-యూరోపియన్ డివిజన్ (35%), ఇంటర్-యూరోపియన్ డివిజన్ (32%), ఉత్తర అమెరికా విభాగం (NAD) (31%), మరియు దక్షిణ ఆసియా విభాగం (SUD) (31%)లో ప్రతివాదులు చాలా అరుదుగా సంపూర్ణ ఆరోగ్యంపై ప్రసంగాలు వినే అవకాశం ఉంది. సంపూర్ణ ఆరోగ్యంపై దక్షిణ ఆసియా విభాగం (SUD) (18%) మరియు ఉత్తర అమెరికా విభాగం (NAD) (11%) నుండి వచ్చిన వారు కూడా అలాంటి ఉపన్యాసాలను ఎప్పుడూ విని ఉండక పోవచ్చు. ఆరోగ్య సందేశం మరియు సంపూర్ణ ఆరోగ్యం సబ్బాత్ ఉదయం వేదిక నుండి బోధించబడకపోతే, ఈ ముఖ్యమైన అడ్వెంటిస్ట్ సూత్రాలు సభ్యుల మనస్సులలో ఎలా బోధించబడుతున్నాయి మరియు బలోపేతం చేయబడుతున్నాయి, అని ప్రశ్నించాలి.

అడ్వెంటిస్ట్ సభ్యులచే పొగాకు వాడకం

2017–18 GCMS (ప్రపంచ చర్చి సభ్యుల వీక్షణ) లో పాల్గొన్నవా రిని గత 12 నెలల్లో పొగాకును ఉపయోగించారా అని కూడా అడిగారు. ప్రపంచవ్యాప్తంగా, 97% అడ్వెంటిస్ట్ సభ్యులు గత 12 నెలల్లో పొగాకు వినియోగానికి దూరంగా ఉన్నారని నివేదించారు.

అయితే, గత ఏడాది పొగాకు ఉత్పత్తులను వినియోగించినట్లు 3% మంది అంగీకరించారు.
గత సంవత్సరంలో దక్షిణ ఆసియా-పసిఫిక్ విభాగంలో ప్రతివాదులు అత్యధికంగా (8%) పొగాకును ఉపయోగించారని క్రాస్-టాబులేషన్ ద్వారా ఫలితాలు వెల్లడించాయి, దక్షిణ పసిఫిక్ డివిజన్ (5%). ఎందుకు అలా ఉంది? సంస్కృతి ఈ అనారోగ్య అలవాట్లను ప్రభావితం చేస్తుందా?

చాలా మంది అడ్వెంటిస్టులు పొగాకుకు దూరంగా ఉన్నట్లు కనిపిస్తున్నప్పటికీ, కొందరు దానిని ఉపయోగించడానికి ఎంచుకుంటున్నారు. నేటి శాస్త్రం కూడా పొగాకు వాడకాన్ని మానేయమని ప్రజలను ప్రోత్సహిస్తోంది మరియు దాని వడకం అసలు ప్రారంభించకుండా ఉందామంటోంది. అడ్వెంటిస్టులుగా మనం ఒకరినొకరు ఆరోగ్యంగా జీవించడానికి ఎంత ఎక్కువ ప్రోత్సహించుకోవాలి? ఎవరైనా పొగాకు వాడటం అలవాటు చేసుకున్నప్పుడు, దానిని ఆపడం చాలా కష్టమవుతుందని మనందరికీ తెలుసు. ముఖ్యంగా పొగాకుపై ఈ పోరాటంలో పోరాడుతున్న వారికి మనం ఒకరికొకరం సహాయక వ్యవస్థగా ఉందాం. అధిగమించడానికి శక్తి ఉందని పోరాడుతున్న మన తోటి చర్చి సభ్యులను తిరస్కరించకుండా ప్రోత్సహిద్దాం. దేవుడు మన పక్షాన ఉన్నాడు, మనం ఏ యుద్ధం చేసినా దాన్ని అధిగమించి విజయం సాధించే శక్తిని ఆయన మనకు అందించగలడు. వచ్చే ఏడాది ప్రపంచ పొగాకు వ్యతిరేక దినోత్సవాన్ని మన చర్చిలలో ఎలా జరుపుకోవచ్చు? మీ చర్చి లేదా కమ్యూనిటీలో సానుకూల మార్పు రావడానికి మీరు యేవిధంగా సహాయం చేయ గలరు?

ఆరోగ్య సందేశం మరియు దాని అంగీకారం గురించి మరింత సమాచారం కోసం మెటా-విశ్లేషణ నివేదికను చూడండి (Meta-Analysis Report).

ఇన్స్టిట్యూట్ ఆఫ్ చర్చి మినిస్ట్రీ (చర్చి సేవ సంస్థ) సహకారంతో రూపొందించబడింది (Institute of Church Ministry).

Published by ASTR on 06/14/2023

[1] World Health Organization. (n.d.). World no tobacco day. https://www.who.int/campaigns/world-no-tobacco-day

[2] General Conference of Seventh-day Adventists. (2020). 28 fundamental beliefs. https://www.adventist.org/wp-content/uploads/2020/06/ADV-28Beliefs2020.pdf